Breaking

Showing posts with label Wedding Photo Shoot. Show all posts
Showing posts with label Wedding Photo Shoot. Show all posts

Friday, 17 April 2015

April 17, 2015

Woh Dulhan Ke Roop Main Khari Thi

 
Wo Dulhan Ke Roop Mai Khari Thi. .
Par Wo Kisi Or Kelye Saji Thi. .
Aaj Bhi Uska Roop Wohi Suhana Tha. .
Jise Mai Dekhta Tha Or Dewana Tha
Usay Pane Ki Justuju Thi Usay Pana Tha. .
Par Usay Kahan Meri Zindagi Mai Ana Tha. .
Ankhon mai Ashk Liye Dekhta Reh Gaya. .
Meri Ankhon se Ashkon ka Tofan Beh Gaya. .
Wo Dulhan K Roop Mai Khari Thi. .
Mere Liye Nahi Kisi Or Kelye Saji Thi. .
Dil Mai Jo Dhak Dhak Ho Rahi Thi. .
Mere Dil Ki Dharkan Bhi Ro Rahi thi. .
Pocho Na Mujse Kya Beeti Mujpar Kya seh Raha Tha. .
Uski Doli Ko Jate Howe Dekh Raha Tha. .
Wo Dulhan K Roop Mai Khari Thi. .
Par Wo Kisi Or Kelye Saji Thi.
April 17, 2015

Aek Larki Jo Khilti Kanwal Hai


Ek Larki Jo Meri Ghazal Hai
Ek larki jo khilti kanwal hai
Ek larki ho taj mehak hai
Woh tum hi to ho...

Us ki gasoo kaali ghatayein
Us ki dupatte se lehrati hawayein
Us ki yaadein meri wafayein
Woh larki tum hi to ho...

Us ki ankhein chamakte moti
Us ki palkein aankhon ko chooti
Us ke gaal sehra-e-moti
Woh larki tum hi to ho...

Us ke lab gulab jaise
Us ka mann khuli kitab jaisa
Us ki rangat shabab jaisi
Woh larki tum hi to ho
Woh larki tum hi to ho...

Tuesday, 24 March 2015

March 24, 2015

Kabhi Mehandi Se Saja Lo Tum Apne Hathon Ko


Kabhi mehandi se saja lo tum apne haathon ko,
 Us sajawat ke kisi kone mein hamara naam bhi likh do, 
Yeh naam sirf hum dono ko hi nazar aaye, 
Kuch is tarah se hum dono ka tum naam likh do.
 
Teri mehandi se saje haathon ko mein apne haathon mein le loonga, 
Tere haathon ki mehandi ki khushboo ko apne dil mein qaid kar loonga,
 Dhoond loonga mein tere haathon mein chupi hum dono ka naam,
 Leke tere haathon ko apne haathon mein use mein choom loonga.
 
Jab loonga tere haathon ko apne haathon mein, 
Tere chudiyon ki kankanahat goonjegi geet banker, 
Jab mein choomoonga tere honthon mein jaanam, 
Tere siskiyan nayee sur banke goonjegi.
 
Tere saanson ki garmi jab milegi saanson se meri, 
Tab wahan par nayee ek sargam banegi, 
Jab milegi badan mere tere badan se oh jaanam,
 Mohabbat hamari bas rangeen banegi.

Thursday, 19 June 2014

June 19, 2014

Meri Laadli Behna Zara Hoslay Say Rehna

 
Woh Jo Kah Raha Tha Tum Say
Meri Laadli Behna

Zara Hoslay Say Rehna
Tumhain Hum Say Door Ja Kar

Koi Dukh Ho Koi Gham Ho
Usko Khush Dili Say Sahna

Koi Aisa Din Na Aaye
Kay Tumhari Aankh Nam Ho

Tumhain Yaad Bhi Na Hoga
Meri Chaand Jesii Behna

Kay Yeh Baat Kahtay Kahtay
Koi Khud Say Bhi Ro Raha Tha.
June 19, 2014

Zulf Chehre Pe Bikhar Jaane De Jana

 
Ishq ki raah me mar jaane de
Kaam aasan hai,kar jaane de--
Ay hawa,apni nahi fikr mujhy
Inn parindon ko to ghar jaane de--
Abr e purnam,tujhe jaldi kia hai
Meri aankhen bhi to bhar jaane de--
Kese sunn paaun ga aawaz teri
dil ki dharkan to theher jaane de--
Haath matt rok hawa ka Jamshaid
Zulf chehre pe bikhar jaane de-

Monday, 16 June 2014

Tuesday, 20 May 2014

May 20, 2014

Shaam Mehki Tere Tasavur Se


tere aane ki jab khabar mehketeri khushbu se sara ghar mehke
shaam mehki tere tasavur seshaam ke baad phir seher mehke tere aane ki jab khabar mehketeri khushbu se sara ghar mehke
wo ghadi do ghadi jahaan baithe wo jagah mehke wo seher mehke tere aane ki jab khabar mehketeri khushbu se sara ghar mehke
raat bhar sochta raha tujhko mehaketeri Khushbu se sara mara ghar mehke

Friday, 16 May 2014

May 16, 2014

Kuch Din Jee Loon Tere Liye


Bas Dua Karna Mere Liye
Kuch Din Jee  Loon Tere Liye
Sans Chale Sath Sath
Mere Hath Mein Ho Tera Hath
Meri Her Khushi Ho Tere Liye
Tumhara Her Dukh Ho Mere Liye
Mehsos Ho Yehi Tamam Umer
Tum Jee Rahi Ho Mere Liye
Mein Jee Raha Hoon Tere Liye
Keh Na Dain Zamane Bar Se
Ke Tum Ho Mere Liye
Mein Hoon Tere Liye
Bas Dua Karna Mere Liye
Kuch Din Jee  Loon Tere Liye

Tuesday, 22 April 2014

April 22, 2014

Kahan Kahan Se Mitaey Ga


Kahan Kahan Se Mitaey Ga Khush Gumaan Meray
Teray Badan Se Teri Rooh Tak Nishaan Meray

Kaheen Bhi Jaa K Basaley Tou Bhool Ki Basti
Moheet Hein Teray, Yaadon K Aasmaan Meray

Agar Chay Faasla Dou Chund Kar Liya Tu Ne
Rawaan Dawaan Hein Teri Simt Kaarwaan Meray

Mein Jaon Bhi Tou Kahan, Chorr Kar Teri Galyaan
Tu Kar Gaya Sabhi Rastey Dhuwaan Dhuwaan Meray

Uboor Hotey Nahi, Roz Tou Tay Karta Hoon
Yeh Hijr Faasley, Yeh Hijr-E-Be-Karaan Meray

Hawa K Bairrey Kisi Aur Simt Behtey Hein
Khuley Hein Aur Kisi Simt Baadbaan Meray

Mein Apne Jazbon Ki Shiddat Se Khof Khata Hoon
Keh Dushmano Se Hein Barh Kar, Yeh Meharbaan Meray

Mein Khuwab Zaar Ki Karta Tou Hon Chaman Bandi
Ujaarr Dey Na Koi Aa K Gulistaan Meray

Shagoofey Aagaey Palkon Pe Dard K Aakhir

Chupaa Sakey Na Meray Raaz, Raazdaan Meray

Tuesday, 15 April 2014

April 15, 2014

Parakhna mat parakhne se koi apna nahi rehta


Parakhna mat parakhne se koi apna nahi rehta,
Kisi bhi Aaina me dair tak chehra nahi rehta...

Baray logon se milne me hamesha fasla rakhna,
Jahan darya samandar se mila, darya nahi rehta...

Tumhara Shehar to bilkul naye andaz wala hai,
Hamare shehar me bhi ab koi hum sa nahi rehta...

Mohabbat aik khushbu hai hamesha saath chalti hai,
Koi insan tanhai me bhi tanha nahi rehta....

Koi badal haray mausam ka phir ailan karta hai,
Khizan ke bagh mein jab aik bhi patta nahi rehta...

Friday, 28 February 2014

February 28, 2014

Kam Sukhan Hain Pas-E-Izhaar Miley

 
Kam Sukhan Hain Pas-E-Izhaar Miley Hain Tujh Se
Milna Yeh Hai Tou Kaiee Baar Milay Hain  Tujh Se
Jantey Hain Keh Nahi Sehal Mohabbat Karna
Yeh Tou Aik Zid Mein Meray Yaar Miley Hain Tujh Se
Taiz Raftariy-E-Dunya Kahan Mohlat Day Gi
Hum Sar-E-Garmiy-E-Bazaar Miley Hain Tujh Se
Kabhi Latey Thay Teray Wastey Jo Shkah-E-Gulaab
Woh Bhi Ab Kheench Ke Talwaar Miley Hain Tujh Se
Teray Milney Se Uneh Rok Saka Hai Koi
Milney Waley Tou Sar-E-Daar Miley Hain Tujh Se
Kheench Lati Hai Hamein Teri Mohabbat Warna
Aakhri Baar Kaiee Baar  Miley Hain Tujh Se.
February 28, 2014

Woh Sard Raat Ki Barkha

 
Woh Rut Bhi Aae K Mein Phool Ki Sahaili Hui
Mehak Mein Champa Kali, Roop Mein Chanbeli Hui
Woh Sard Raat Ki Barkha Se Kiun Na Piyar Karon
Yeh Rut Tou Hai Merey Bachpan K Sath Khaili Hui
Zameen Pe Paaon Nahi Parr Rahey Takabbur Se
Nigar-E-Gham Koi Dulhan Nai Nawaili Hui
Woh Chaand Ban K Merey Sath Sath Chalta Raha
Mein Us K Hijar Ki Raton Mein Kab Akaili Hui
Jo Harf Sada'h Ki Soorat Hamesha Likhi Gai
Woh Larrki Teray Liye Kis Tarha Paheli Hui.
February 28, 2014

Ek khwaab musalsal aata hai

 
Ek khwaab musalsal aata hai,
Tera chehra roop sajata hai. !
Phoolon pe bhanwre ki maanind,
Mere dil ko woh behlaata hai. !
Aankhon ke surmai rangon se,
Mere mann ko raah dikhata hai. !
Dhadkano ke sur aur sargam se,
Woh mujh ko geet sunaata hai. !
Chaand se le kar husn ki sougaat,
Mujhe neend se woh jagaata hai. !
Apni saanson ki dheemi aanch pe,
Mere tann ko woh sulgaata hai. !
Ek khwaab musalsal aata hai,
Tera chehra roop sajaata hai …!!
February 28, 2014

Apna To Yeh Soch Kar Waqt Guzar Jata Hai

 
Apna toh ye soch kar waqt guzar jata hai,
Kyon door jane ke liye koi kareeb aata hai.?
Woh jaane kaise apne dil se mujhe bhoola baitha,
Main gar bhoolna chaahun toh bhoola bhi yaad aata hai.
Tab nikharti hai kahin zindagi ki asli soorat,
Ashq jab aap ke daaman pe bikhar jata hai.
Tadap tadap ke tujhe ta’umar yaad karta rahun,
Kuchh aur de na zakhm toh bhar jata hai.
Yun toh main khud bhi tujh par tawajoh nahin deta,
Mera zehan hai ki har baar udhar jata hai.
Beshaq bahaar sooni sooni si lagti hai,
Bulbul ke chale jane se kya baagh ujad jata hai.

Friday, 31 January 2014

January 31, 2014

Guzar Rahay Hain Jo Mujhpe Azaab

 
Guzar Rahay Hain Jo Mujhpe Azaab Uske Hain
Keh Meri Chashm-E-Tamanna Main Khwab Uske Hain
Main Zakhm Zakhm Hun Mera Naseeb Hain Kantay
Woh Rang Rang Hai Saaray Gulaab Uske Hain
Kitaab Meri Qalam Mera Soch Bhi Meri
Magar Jo Likhay Hain Main Ne Woh Baab Uske Hain
Nahi Hai Mere Muqaddar Ka Aik Bhi Taara
Yeh Kehkashan Yeh Maahtaab Uske Hain
Wisaal-O-Hijr Ka Mousam Ussi Ka Mousam Hai
Sawaal Mere Hain Shayed Jawaab Uske Hain
Woh Meri Zaat Ka Aek Mustanid Hawala Hai
Kitaab-E-ishq Ke Saaray Nissaab Uske Hain
January 31, 2014

Muhabbat Ka Bharam Hota

 
Muhabbat Ka Bharam Hota
To Phir Kuch Soch Kar Jate
Warna Zindagi Ban Ke
Mere Humdam Guzar Jaty
 Thaky Hary Prindon Ko
Jo Dekha To Khayal Aya
Koi Jo Muntazir Hota
To Hum Bhi Apne Ghar Jaty
Main Kha Ke Dard Ki Thokar
Abi Tak Hosla-Mand Hoon
Yeh Thokar Jo Tumhain Lagti
To Tum Khud Bhi Bikhar Jate
Ke Is Tanhai Ka Hum Pe Bara Ehsan Hai
Na Deti Sath Yeh Apna
To Jane Hum Kidhar Jate