Breaking

Showing posts with label Tanhai Shayari. Show all posts
Showing posts with label Tanhai Shayari. Show all posts

Monday, 26 December 2011

December 26, 2011

Apni Khubsurat Kalayi Mein


“Suniye...“
Apni Khubsurat Kalayi Mein
Barey Chao Se
Choorian Ghumatey Hoye Uss Ne Kaha
Yeh Choorian Dekhiye
Kaisi Hain ?
Aap Ko Pasand Hain ?
Yeh Aap Ke Naam Ki Hain
Hum Ne Aap Ki Taraf Se Li Hain
Aap Hamary Ho Na ?
Ho Na ? Aap Hamary...
Iss Se Pehlay k Vo
Meri Aankh Mein Chamaktay Aansoo Dekhti
Jaldi Se Main Ne Kaha
Han Bohat Khubsurat Hain Yeh Choorian
Tumhari Kalayii Mein Khoob Saj Rahi Hain
Mery Naam Ki DaweyDaar
Vo Pyarii Masoom Larki
Khushi Se Muskura Di
Aur Bhool Gayi
Apney Sawal Ka Jawab...!!!
December 26, 2011

Mein Hoon Tum Ho Aur Khamoshi


Mein Hoon Tum Ho Aur Khamoshi
Jaanay Kab Door Hogi Ishq Ki Madhoshi

Dekhtay Hue Zamana Guzara Hai
Falak Par Door Talak Chandni Ki Sargoshi

Mein Hoon Tum Ho Aur Khamoshi

Toofanon Kay Caravan Dil Mein Samaye
Bhataktay Rahay Kadam Nazarain Tujhe Par Jamaaye

Mil Jao Tum Kisi Raah Kisi Modh Par
Dharkan Ab Sahemnay Lagi Waqt Ki Khamoshi

Mein Hoon Tum Ho Aur Khamoshi

Kyon Tumsay Umeed Lagi Hai Har Pal
Manzil Ho Tum Toh Phir Kaisi Faraamoshi

Labon Kay Khultay Hi Raaz Khul Jaayengay
Rah Jaayegi Tadap Aur Dard Ki Khamoshi

Mein Hoon Tum Ho Aur Khamoshi

Monday, 21 November 2011

November 21, 2011

Ye Sheeshe Ye Sapne Ye Rishte Ye Dhaage

Ye Sheeshe Ye Sapne Ye Rishte Ye Dhaage,
Kise Kya Khabar Hai Kahan Toot Jaye,
Mohabbat Ke Dariya Mein Tinke Wafa Ke,
Na Jane Kis Mod Par Doob Jaye,
Ajab Dilki Basti, Ajab Dil Ki Waadi,
Har Ek Mod Mausam Nayi Khushiyon Ka,
Lagaye Hai Humne Bhi Sapno Ke Paudhe,
Magar Kya Bharosa Yahan Baarishon Ka,
Muradon Ki Manzil Ke Sapno Mein Khoyi,
Mohabbat Ki Raahon Pe Hum Chal Pade The,
Zara Door Chalke Jab Aankhein Khuli To,
Kadi Dhoop Mein Hum Akele Khade The,
Jinhe Dil Se Chaha Jinhe Dilse Pooja,
Nazar Aa Rahe Hai Wohi Ajnabi Se,
Riwayat Hai Shayad Ye Sadiyon Purani,
Shikayat Nahi Koi Zindagi Se...


November 21, 2011

Hawa Jab Taiz Chalti Hai

Hawa Jab Taiz Chalti Hai
Tumhaari Yaad Jab Aati Hai
Patay Sersaraatay Hain
AUR ZIKER TUMHAARA HOTA HAI
Kabi boolay se shab ko
Mere dil main aa ker dekho to
Hai ek mahfil sajee hooee
AUR ZIKER TUMHAARA HOTA HAI
Tumain kaisay bataaoon ke
Kitni chaahat ki hai main ne tum se
Ke jab bi aansoo chalaktay hain
AUR ZIKER TUMHAARA HOTA HAI
Zamana hai boht zaalim
Kahin cheen na lay ye tum ko
Is liyay main bas khamosh hoti hoon
AUR ZIKER TUMHARA HOTA HAI


November 21, 2011

Tumhari Guftgo Karna

Tumhari Guftgo Karna
Mujhe Acha Sa Lgta Hai
Bohat Acha Sa Lgta Hai
Tumhi Ko Dekhte Rehna
Tumhi Ko Sochty Rehna
Bohat Gehry Khyalon Men
Jwabon Men Swalon Men
Mohabat K Khyalon Men
Tumhara Naam Aajana
Mujhe Acha Sa Lgta Hai
Bohat Acha Sa Lgta Hai.



November 21, 2011

Ab Ager Aaoo To Janey ke Liye Mat Aana

Ab Ager Aaoo To Janey ke Liye Mat Aana
Sirf Ahsaan Jataney kay Liye Mat aana

Maine Palkon Pe Tamannaen Saja Rakhi Hain
Dil Par Umeed Ki Soo Rasmen Jala Rakhi Hain

Ye Haseen Shamen Bujhaane ke Liye Mat Aana
Pyar ki Aag Main Zanjeer Pighal Sakti Hain

Chahne Walon ki Takdeer Badal Sakti Hain
Hoon Bebas Ye Batane ke Liye Mat Aana

Mujhse Milne ki Agar Tumko Nahi Chahat koi
Tum Sirf Rasmen Nibhaney ke Liye Mat Aana

November 21, 2011

kaheen mile to usay yeh kehna

kaheen mile to usay yeh kehna

kaheen mile to usay yeh kehna

faseel e nafrat gira raha hoon

gaye dinon ko bhula raha hoon

wo apny waday se phir gaya hai

main apna wada nibha raha hoon

kaheen mile to usay yeh kehna

na dil main koi malal rakhey

hamesha apna khayal rakhey

Sare Ghum apne Woh dede Mujh ko

tamam khushian sanbhal rakhe

kaheen mile to usay yeh kehna

November 21, 2011

Rastay Ka Intikhaab Zaroori Sa Ho Gaya

Rastay Ka Intikhaab Zaroori Sa Ho Gaya
Ab Ikhtitaam-e-Baab Zaroori Sa Ho Gaya

Hum Chup Rahay Tou Aur Bhi Ilzaam Ayega
Ab Kuch Na Kuch Jawab Zaroori Sa Ho Gaya

Hum Taal'tay Rahay Ke Ye Naubat Na Ayegi
Phir Hijr Ka Azaab Zaroori Sa Ho Gaya

Her Shaam Jald Sonay Ki Aadat Si Par Gai
Her Raat Aik Khwaab Zaroori Sa Ho Gaya

Aahon Se Toot'ta Nahi Ye Gumbad-e-Siaah
Abb Sung-e-Aaftaab Zaroori Sa Ho Gaya

Dena Hai Imtehaan Tumharay Firaaq Ka
Abb Sabr Ka Nisaab Zaroori Sa Ho Gaya


November 21, 2011

Ik Kayamat ki Kharashain mere cheray pe sajeen

Ik Kayamat ki Kharashain mere cheray pe sajeen
Ik mehsher mere ander se utha tere baad

Tu k simta to rag- e -jaan ki hadoon main simta
main k bikhera to sameeta na gaya tere baad

milny waly kaee mafoom pehan k ayee
koi chera bhi na ankho ne parha tere baad

ye alag baad hai k afsana howa tu warna
main ne kitna tujhy mehsoos kiya tera baad

meri dukhti howi ankho se gawahi lyna
main ne soocha hai tujhy apny siwa tere baad

jaan e mohsin mera haal yhi mubham saterain
shair khenay ka huner bhool gaya tere baad..


November 21, 2011

Gul-E-Zuban Pey Wohi Sardiyon Ka Mousam Hey

Gul-E-Zuban Pey Wohi Sardiyon Ka Mousam Hey
Tumhari Han Pey Wohi Sardiyon Ka Mousam Hey

Darakht Per Jo Kabhi Chooriyon Sey Dala Tha
Us Ik Nishan Pey Wohi Sardiyon Ka Mousam Hey

Sulag Rahi Hain Zehan Main Qabayen Lafzon Ki
Magar Zuban Pey Wohi Sardiyon Ka Mousam Hey

Teri Judai Key Pal Sey Huwa Hey Ishq-E-Hanoot
Keh Is Jahan Pey Wohi Sardiyon Ka Mousam Hey

Woh Mujh Ko Sonp Gaya Fursatain December Main
Darakht-E-Jan Pey Wohi Sardiyon Ka Mousam Hey

Hamarey Lab To Duwaen Jalaye Rakhtey Hain
Per Asmaan Pey Wohi Sardiyon Ka Mousam Hey

November 21, 2011

Mehroomiyon ki chaadar talay

Mehroomiyon ki chaadar talay
Aasa'ishon ke parde pe...

behti hui aarzu'yein kayi
bujhte huay chund ek diye
ubherte huay kuch kehkashan
doobtay huay kuch qaaflay
bantay huay iraday kayi
Toot'tay huay kuch faislay
milte huay manzilo ke nishan
dhundhlatay huay kuch raste
mit'te huay kuch faaslay
adhooray se kuch marhalay
zindugi ke raston main
mausamon ke konay pe...

mehroomiyon ki chaadar talay
aasa'ishon ke parde pe
November 21, 2011

Tere milne ko bekal ho gaye haiN

Tere milne ko bekal ho gaye haiN
Magar yeh log pagal ho gaye haiN


BahaareN le ke aaye the jahaaNn tum
Woh ghar sunsaan jangal ho gaye haiN


Yahan tak baRh gaye aalaam E hasti
K dil ke houslay shal ho gaye hai N


Kahaan tak taab laaye naatawaaN dil
K sadme ab musalsal ho gaye haiN


Nigaah E yaas ko neeNd aarahi hai
Mizaa par ashk bojhal ho gaye haiN


InhaiN sadiyoN na bhoolega zamana
YahaN jo hadsay kal ho gaye haiN


JinhaiN hum dekh kar jite the ‘Nasir’
Wo log aaNkhoN se ojhal ho gaye haiN