Breaking

Showing posts with label Shayri-e-Ishq. Show all posts
Showing posts with label Shayri-e-Ishq. Show all posts

Tuesday, 25 August 2015

Saturday, 25 August 2012

August 25, 2012

Aik Bar Kaho Tum Meri Ho


Aik Bar Kaho Tum Meri Ho
Hum Ghoom Chukey Basti Bun Main
Aik *** Ki Phansi Liye Man Main
Koi Sajan Ho Koi Pyara Ho
Koi Deepak Ho Koi Tara Ho
Jab Jeewan Raat Andheri Ho
Aik Bar Kaho Tum Meri Ho

Jab Sawan Badal Chaiyee Hon
Jab Phagan Phool Khilaye Hon
Jab Chanda Roop Lutata Ho
Jab Sooraj Dhoop Nahata Ho
ya shaam nay basti ghari Ho
Aik Bar Kaho Tum Meri Ho

Han Dil Ka Daman Pheela Ho
Kion Gori Ka Dil Mela Ho
Hum Kab Tak Peet Kay Dhokey Main
Tum Kab Tak Doe Jharokey Main
Kab Der Sey Dil Ko Sairi Ho
Aik Bar Kaho Tum Meri Ho

Kya Jhagra Sood Khasarey Ka
Yeh Kaam Nahi Banjarey Ka
Sab Sona Ropa Lay Jayee
Sab Dunya Dunya Lay Jayee
Tum Aik Mujhey Behteri Ho
Aik Bar Kaho Tum Meri Ho
August 25, 2012

haweli jab se


haweli jab se purkho ke giri hai
parendaoo ka basera ban gai hai

hui hamse agar mil kar khushi hai
to aankho me tumhare kyn nami hai

khushi se kaise beete apna jeewan
suna hai mauut peeche aa rahee hai

jalate deep kyn ho unke aage
nai aankho me jinke roshni hai

na panchi ko nikale ghoslo se
shikari ban gaya hai aadmi hai

Wednesday, 25 April 2012

April 25, 2012

Apnay Ehsaas Se Chu Kar

 
Apnay Ehsaas Se Chu Kar Mujhey Sandal Kar Do
Mein K Sadiyo`n Se Adhoora Hon, Mukammal Kar Do

Na Tumhein Hosh Rahay Or Na Mujhey Hosh Rahay
Is Qadar Toot K Chaho, Mujhey Pagal Kar Do

Tum Hatheli Ko Meray Pyar Ki Mehandi Se Rango
Apni Aankho`n Mein Meray Naam Ka Kajal Kar Do

Is K Saaye Mein Meray Khuwab Dhak Utheingey
Meray Chehray Pe Chamakta Huwa Aanchal Kar Do

Dhoop Hi Dhoop Mein Hon Toot K Barso Mujh Par
Is Qadar Barso, Meri Rooh Mein Jal Thal Kar Do

Jaisay Sehrao`n Mein Har Shaam Hawa Chalti Hai
Is Tarah Mujh Mein Chalo Or Mujhey Thal Kar Do

Tum Chupa Lo Mera Dil Oat Mein Apnay Dil Ki
Or Mujhey Meri Nigaho`n Se Bhi Aujhal Kar Do

Mas`ala Hon To Nigahein Na Churao Mujh Se

Apni Chahat Se, Tawajja Se Mujhey Hal Kar Do

Apnay Gham Se Kaho Har Waqt Meray Sath Rahay
Aik Ehsaan Karo Us Ko Musalsal Kar Do

Mujh Pe Chah Jao Kisi Aagh Ki Soorat Jaan`an
Or Meri Zaat Ko Sookha Hua Jungle Kar Do

April 25, 2012

Tumhare shahar ka mausam


Tumhare shahar ka mausam bada suhana lage
main ek sham chura lun agar bura na lage
tumhare bas mein agar ho to bhool jao hamen
tumhen bhulane mein shayad mujhe zamana lage
hamare pyar se jalne lagi hai ye duniya
dua karo kisi dushman ki baddua na lage
na jane kya hai us ke bebak aankhon mein
wo muh chupa ke jaye bhi to bevafa lage
jo dubana hai to itane sukun se dubo
ke aas pas ke laharon ko bhi pata na lage
ho jis ada se mere sath bevafai kar
ke tere bad mujhe koi bevafa na lage
wo phul jo mere daman se ho gaye mansub
khuda kare unhen bazar ke hawa na lage
tum aankh mund ke pi jao zindagi ‘qaiser’
ke ek ghunt mein shayad ye badmaza na lage

Friday, 16 September 2011

September 16, 2011

Nahi Ke Milne Milane Ka Silsila Rakhna,


Nahi Ke Milne Milane Ka Silsila Rakhna,
Kisi Bhi Satah Pe Kio To Raabta Rakhna,

Madad Ki Tumse Tawaqqo To Khair Kya Hogi,
Garib-E-Shaher-E-Sitam Hoon Mera Pata Rakhna,

Marenge Aur Hamare Siwa Bhi Tumpe Bahut,
Ye Jurm Hai To Phir Is Jurm Ki Saza Rakhna,

Naye Safar Pe Rawaana Hua Hai Az-Sar-E-Nau,
Jab Aaunga To Mera Naam Bhi Naya Rakhna,

Hisaar-E-Shauq Uthana Zaroor Magar,
Kisi Taraf Se Nikalne Ka Raasta Rakhna...
September 16, 2011

O Aasman Ke Taare Tujhko,

 
O Aasman Ke Taare Tujhko,
Roz Main Dekha Karti Hoon,
Par Tune Bhi Kya Kisi Pal,
Mujhko Jhuk Ke Dekha Hai,
Teri Chamak Se Saare Khush Hote,
Teri Doori Ek Hai Chahat Si,
Par Ek Baar Jhuk Kar Tune Bhi,
Gar Mujhko Dekha Hota,
To Meri Maang Mein Saje Hue,
Us Taare Ko To Chahne Lagte,
Tu Door Sa Hai Wo Paas Mein Hai,
Tu Sabka Hai Wo Mera Hai,
Tu Aasman Ka Tara Sahi,
Wo Mere Pyaar Ka Tara Hai

September 16, 2011

Ek Bekarari Mein Doob Kar,

 
Ek Bekarari Mein Doob Kar,
Ek Masti Mein Jhoom Kar,
Mohabbatne Apna Izhaar Chaha,
Zindagi Mein Pehli Baar,
Dilne Kisiko Dilse Chaha,

Khwaab Bane Aarzu Ki Tarah,
Ummeed Bani Zindagi Ki Tarah,
Har Ehsaas Ne Iqraar Chaha,
Zindagi Mein Pehli Baar,
Dilne Kisi Ko Dilse Chaha,

Aitbaar Ka Haath Thaam Kar,
Yaadon Ko Humraah Le Kar,
Is Masoon Me Beikhtiyaar Chaha,
Zindagi Mein Pehli Baar,
Dilne Kisiko Dilse Chaha,

Ek Khoobsurat Itminaan Ki Tarah,
Tum Hue Hamari Dua Ki Tarah,
Humne Tumhe Toot Kar Chaha,
Zindagi Mein Pehli Baar,
Dil Ne Kisiko Dilse Chaha...


September 16, 2011

Shayri-e-Ishq

 
Humne Pyaar Mein Paya To Kya Paaya,
Kabhi Khud Ro Diye Kabhi Tumko Rulaya,
Halat-E-Gum Mein Beh Gaye Jo Aansun,
Wo Zindagi Mein Phir Kabhi Na Behne Paaya,
Saza Mujhe Mil Aur Saza Unhe Bhi,
Aisa Bhi Kya Insaaf Me Hai Sar Jhukaya,
Himmat Nahi Thi Usme Sath Mera Dene Ki,
Ab Tak Na Jane Wo Kaise Chal Paya...

Tukde Apne Wajood Ke Roz Jodti Hoon Main,
Usne Mere Dilko Aisa Bikhera,
Zulm Par Zulm Karte Rahe Wo Aur
Khamosh Hi Rahe, Kabhi Uff Kar Na Paaye...


Tuesday, 6 September 2011

September 06, 2011

Na Koi Subha Naa Koi Sham Dety Ho

 
Na Koi Subha Naa Koi Sham Dety Ho

Dil Dharakne Ko Muhabat Ka Naaam Dety Ho.....♥

Roz Chale Atey Ho Khuwabo Main Mere

In Ankhoon Ko Na Ek Pal Tum Araam Detey Ho.....♥

Tum Na Pucho Gay Khabi Haal-e-Dil Mera

Aur Ghairo Ko Har Roz Salam Dety Ho....♥

Hum Ne Yaad Rakha Isliye Mujrim Thehre

Shayad Bhool Jane Pe Tum Inam Dety Ho.....♥